7 Day Daily ဒီနေ့သတင်း

ပဲအရောင်းအ၀ယ်ကို စာချုပ်ဖြင့် လုပ်သူ မရှိတော့ဟုဆို ပဲအရောင်းအ၀ယ်ကို စာချုပ်ဖြင့်သာပြုလုပ်ရန် သတ်မှတ်ထားသည်မှာ တစ်လကျော်သာ ရှိသေးသော်လည်း ကုန်စည်ဒိုင်တွင် သတ်မှတ်ချက်အတိုင်း အရောင်းအ၀ယ်လုပ်သူ မရှိတော့ကြောင်း ဘုရင့်နောင်ကုန်စည်ဒိုင် ဈေးကွက်မှ သတင်းရရှိသည်။ ပဲရောင်းဝယ်မှုစာချုပ်သက်တမ်းသည် တစ်လသာ သတ်မှတ်ထားသည့်အတွက် တစ်လအတွင်း၌ ပစ္စည်းစာရင်းရှင်းရန် သတ်မှတ်ထားသည်။ ““စာချုပ်နဲ့ ရောင်းဝယ်ဖို့ သတ်မှတ်ထားပေမယ့် အခုရက်ပိုင်းတွေမှာ ဘယ်သူမှ စာချုပ်နဲ့ မလုပ်ကြတော့ဘူး။ ရောင်းတဲ့သူနဲ့ ၀ယ်တဲ့သူ အဆင်ပြေရင် ဘာသံမှမထွက်တော့ အားလုံးက ဒီလိုပဲလုပ်နေကြတာ။ လိုက်စစ်တဲ့သူတွေလည်းမရှိတော့ ဒီစနစ်က သတ်မှတ်ထားတာပဲရှိတယ်။ ဘယ်သူမှ မလုပ်ကြတော့ဘူး”” ဟု ကုန်စည်ဒိုင်ဈေးကွက်တွင် နေ့စဉ် ရောင်းဝယ်နေသော ကုန်သည်တစ်ဦးကပြောသည်။ စာချုပ်ဖြင့် ရောင်းဝယ်ရန် သတ်မှတ်စဉ်က ကုန်စည်ဒိုင်တွင် အရောင်းအ၀ယ်ရပ်တန့်လုနီးပါးထိ ကျဆင်းသွားခဲ့သော်လည်း ယခုနောက်ပိုင်းတွင် ပဲအရောင်းအ၀ယ် များစွာ မြင့်တက်လာခဲ့သည်။ စာချုပ်ဖြင့် သတ်မှတ်လိုက်စဉ်က တစ်ရက်လျှင် ကွန်တိန်နာ ၁၅ ပုံးခန့်သာ အရောင်းအ၀ယ် အများဆုံးဖြစ်သော်လည်း ယခုရက်ပိုင်းတွင် ပုံး ၅၀ ကျော်ထိ အရောင်းအ၀ယ်ပြုလုပ်မှုများ ရှိလာသည်။ ““စာချုပ်နဲ့လုပ်ရင် တစ်လအတွင်းမှာပဲ စာရင်းရှင်းရတယ်။ စာချုပ်မရှိရင် အဆင်ပြေသလို လုပ်လို့ရတယ်။ ကုန်သည်တွေက အရောင်းအ၀ယ်များများ လုပ်လာကြတယ်”” ဟု ပဲကုန်သည်တစ်ဦးက ပြောသည်။ထို့ပြင် ပဲဈေးကွက်အတွင်း၌ နိုင်ငံခြားဝယ်လိုအား များနေသည့်အတွက် အရောင်းအ၀ယ်ပြုလုပ်မှု များလာသည့်အပြင် ဈေးကစားလိုသော ကုန်သည်များလည်း များစွာဝင်ရောက်လာကြောင်း သိရသည်။ကုန်စည်ဒိုင် ဈေးကွက်တွင် ပြုလုပ်သော ဈေးနှုန်းများမှာ ပြီးခဲ့ သည့် လကုန်ပိုင်းနှင့် ယှဉ်ပါက တစ်တန်လျှင် ကျပ် ၂၀"၀၀၀ ခန့် မြင့်တက်လာခဲ့ကြောင်း ဈေးကွက် အရောင်းအ၀ယ်များမှ သိရ သည်။အောက်တိုဘာ ၇ ရက် ကုန်စည်ဒိုင်တွင် ပြုလုပ်သော ဈေးနှုန်းမှာ မတ်ပဲ RC တစ်တန်လျှင် ၅၃၀၅၀၀ ကျပ်၊ SQRC မတ်ပဲမှာ တစ်တန်လျှင် ၅၈၀၀၀၀ ကျပ် ရှိပြီး ပဲဇင်းငုံမှာ တစ်တန်လျှင် ၅၅၂၀၀၀ ကျပ်ရှိသည်။ ပဲအရောင်းအ၀ယ်တွင် ငွေကြေးလိမ်လည်မှုများ မကြာခဏ ကြုံတွေ့နေရသဖြင့် သြဂုတ် ၁၅ ရက်မှစ၍ ကုန်တင်စာရွက် DO ဖြင့် အရောင်းအ၀ယ်မပြုလုပ်ရန်လည်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက တားမြစ်ထားသည်။

Posted in: